ദുല്ഖര് സല്മാന് നായകനായെത്തിയ സീതാരാമം തമിഴിലും തെലുങ്കിലും മാത്രമല്ല, ഉത്തരേന്ത്യയിലും ഗംഭീര പ്രകടനമാണ് കാഴ്ച വെച്ചത്. ഇപ്പോള് ഇതാ മുംബൈയില് നടന്ന വിജയാഘോഷ പരിപാടിയില് ഷാറൂഖ് ഖാനുമായി തന്നെ താരതമ്യം ചെയ്യുന്നതിനെ കുറിച്ച് സംസാരിച്ചിരിക്കുകയാണ് ദുല്ഖര് സല്മാന്. ഷാറൂഖ് ഖാനുമായി തന്നെ താരതമ്യം ചെയ്യുന്നതിലൂടെ അദ്ദേഹത്തെ അപമാനിക്കുകയാണ് ചെയ്യുന്നതെന്ന് ദുല്ഖര് വ്യക്തമാക്കി.
ഹനു രാഘവപുടി സംവിധാനം ചെയ്ത സീതാരാമം തമിഴ്, തെലുങ്ക്, മലയാളം ഭാഷകളിലായി ഓഗസ്റ്റ് 5നാണ് റിലീസ് ചെയ്തത്. ദുല്ഖറും മൃണാളും നിറഞ്ഞാടിയ ചിത്രം ദക്ഷിണേന്ത്യയില് വമ്പന് ഹിറ്റായി മാറുകയും ചെയ്തു. അടുത്തിടെ പുറത്തിറങ്ങിയ സീതാരാമത്തിന്റെ ഹിന്ദി പതിപ്പ് നോര്ത്ത് ബെല്റ്റിലും അസാധാരണമായ പ്രകടനമാണ് പുറത്തെടുത്തത്.